مسرحية راس السنة ( ورجع الى نفسة )

استعرض الموضوع السابق استعرض الموضوع التالي اذهب الى الأسفل

مسرحية راس السنة ( ورجع الى نفسة )

مُساهمة  نانسى ديفيد 1 في الأربعاء أبريل 28, 2010 3:42 pm

ورجع الى نفسة

المدرسة : صباح الخير يااولاد كل سنة وانتم طيبين النهاردة عاوزاكم تكتبولى موضوع عن راس السنة وانتم بتعملوا اية
فى اليوم الجميل دا واحسن افكار كلنا نستفاد منها وكمان لية هدية جميلة اوى .
فرصة: اللة انا هروح علطول اكتب فى الموضوع دا
فركيكو: هتكتبى اية يافرصة هو انتى بتعملى حاجة فى يوم راس السنة غير اننا ناكل الفشار من ايد ماما ونقعد نلعب ونستنى الهدايا من تيتة وبابا وماما وجدو .
فرصة: ايوة طبعا يا فركيكو يوم راس السنة ماليان بالاعمال الحلوة انت بتقدم كشف حساب بالوزنة اللى ربنا ادهالك.
فركيكو: اة ده الميس وعدتنا أحسن واحد هيكتب الموضوع هيأخذ هدية حلوة اوى , لما أروح اكتبه بسرعة علشان أخذ الهدية واكسبك يا فرصة .
فرصة :المهم انك تستفاد من وقتك يا فركيكو و تعمل فية شئ منظم وليه هدف .
فركيكو: فرصة قالتلي كلام غريب أوى " كشف حساب " ( وزنة ) يعنى أيه يافرصة ؟
فرصة : كشف حساب معناه الحاجات اللي أنت عملتها طول السنة اللي مشيت خلاص , يعني أنت ساعدت حد ولا لا, صليت ولا لا , أنتاولت وحضرت القداس ولا لا .
فركيكو: ماشي طيب يعني أية وزنة بقي ؟!
فرصة : وزنة يعني الحاجة اللي ربنا أدهالك العطية زى حواسك زى وقتك وعقلك لازم نستخدمها صح , ربنا أدهالنا علشان نشغلها صح .
فركيكو: شكراً يا فرصة أنك فهمتينى معناهم .... لما أروح أجري علي البيت وأكتب الموضوع .
ماما: حمدللة على السلامة يا فركيكو ياحبيبى اخبارك النهاردة مالك جى مستعجل كدة .
فركيكو: اصل ياماما الميس عاملة مسابقة اللى يستخدم وقتة فى حاجة مفيدة هياخد هدية حلوة خالص وانا جى اكتب الموضوع دا.
فركيكو بيتكلم بصوت واطى:ها يا فركيكو ها يا بيرو هتبتدى تعمل اية الاول ايوة اخلص الواجب بتاعى فين الكراسة اهة النهاردة خدنا ه هدهد ايوة اكتب على السطر واركز وانا بكتب لالالالالالالالالالالا انا هقوم اوضب اوضى المكركبة المليانة العاب مرمية على الارض ايوة كدة صح لالالالالالالالالالالالالالا انا هسيب التوضيب واروح العبلى جيمز بقالى كتير مالعبتش ايوة وحشنى الكمبيوتر لالالالالالالا انا اعد كتير على الكمبيوتر والوقت اتاخر اة دا فى فيلم كرتون يجنن لتوم وجيرى لما احضرة شوية وارجع اكتب الواجب ايوة ايوة ياتوم لالالالالا انا هقوم العب بالمكعبات شوية ابنى بيسوت وعماير العب شوية صغيرين لالالالالالالالالا انا هقوم اكتب الموضوع اللى قالتلى علية الميس .
( 2 )

ماما: اية اللى انت عملتة دا يا فركيكو مافيش حاجة خلتها فى مكانها التلفزيون مشغلة وسيبة والكمبيوتر مشغلة وسيبة حتى اوضك ماكملتش توضيبها والعابك زى ماهى على الارض بعد مالعبت بيها ,حتى الواجب بتاعك سبت نصة وقمت دا كدة مش صح يابيرو كل حاجة تحت السموات ليها وقت ونظام وانت بتعمل الحاجة وماتكملهاش .
فركيكو: حاضر حاضر ياماما انا هقوم اعمل كل حاجة زى مانتى عاوزاها بالظبط بس انا تعبان اوى من طول اللعب هنام شوية ولما هصحى من النوم واوضب كل حاجة حاضر .هاوم هاوم انا تعبت خلاص
الراوى : لما نام فركيكو حلم حلم غريب هس هس .
الملاك : إزيك يافركيكو أنا الملاك الحارس بتاعك اللي ربنا وصاني أكون معاك هنا وما سبكش ولا لحظة .
فركيكو : أهلا بملاكي الحار أية المكان الجميل دا أدة دى فرصة وأصحابي أهم جوه لما أدخل أسلم عليهم .
الملاك : أيوه اتفضل يا فركيكو أدخل .
فركيكو : الله أيه الجمال دا كله أيه اللي أنا شيفة دا , دى فرصة لبسة تاج وجنبها شنطة كبيرة أوى ومعاها ورقة مسكاها في أيديها دا أصحابي كلهم لبسين كده طب لما أسمع واعرف هما لابسين كدة لية ؟
الملاك: اصحابك لابسين كدة وماسكين الورق علشان عملوا اعمال مفيدة وليها هدف طول السنة اللى فاتت وتعالا اسمع صاحبتك فرصة عملت اية بوزنتها .
فرصة : انا شغلت عقلى وذاكرت واستفد من وقتى ,وكمان ساعد اصحابى المحتاجين واستفد من حواسى المقدسة طول السنة ,وسمعت كلام ماما وبابا وطسونى ومازعلتش حد منى حتى ولو العابى ...........ز
الملاك : اديك سمعت صاحبتك فرصة عملت اية فى وزنتها وقدمت كشف حسابها باعمالها قدم انت كمان يافركيكو يالا .........
فركيكو : انا .... انا .....عملت اة ...... انا عملت .... مش عارف !!!!!!!!!!!!!!!!
انا ماعملتش حاجة مفيدة وليها هدف زى فرصة صاحبتى انا لازم ارجع مرة تانية لنفسى وافكر كويس فى كل حاجة بعملها .
الملاك: ماتدور يافركيكو عملت باية بعقلك ؟
فركيكو: كنت بكتب الواجب بالعافية ومش بذاكر وبسيب الواجب بتاعى لاخر اليوم .
الملاك : طيب تنظيمك لحاجتك وللعبك ؟
فركيكو : انا كنت بتفرج والعب وخلاص مكنتش بفكر اعمل اية بعد كدة .
الملاك : طيب وقتك اللى بتدية لربنا بصلاتك فى الاجبية .
فركيكو : كل يوم الاجبية كانت بتنادينى وانا كنت ساعات بصلى وساعات بنسى ,خلاص فرصتى ضاعت منى اة اة .
الملاك : لا لسة الفرصة موجودة بس الاول ترجع تقعد مع نفسك وتفكر من الاول ازاى تشتغل وتنظم وقتك فى شى مفيد وهادف .
الراوى : وصحى فركيكو من النوم ورجع الى نفسة واعد يجرى على الاوضة بتاعتة واعد يطفى ويوضب كل شى سابة وهو نايم .

( 3 )

فركيكو: انا لازم الحق بسرعة الملك ادانى سنة جديدة بفرصة جديدة علشان اعمل فيها كل شى منظم ولية هدف.
فركيكو: ياخبر اية اللى انا عملتة دا سيبت كل الاجهزة شغالة وكمان ماعملتش الواجب اللى بيشغل عقلى وبيكبرة وكمان وزنتى اللى ربنا ادهالى المفروض اقف اصلى واوعد ربنا ان الفرصة اللى ادهالى فى السنة الجديدة ماضيعهاش منها
يالعبى ياصحابى انتوا روحتوا فين
الكمبيوتر: بس بس فركيكو انا عارف لعبك راحت فين اللعب صغرت خالص وضعفت مش بتكبر ولا بيحصلها نمو
الكراسة: ايوة احنا صغرنا وضعفنا لما سبتنا لوحدنا فترة طويلة ونروح لفرصة صاحبتك هى بتعرف تتعامل مع حاجتها كويس ومنظمة وبترجع الحاجة فى مكانها.
الاجبيبة:وهى عارفة تنظم وقتها صح الصلاة لية ميعاد واللعب كمان مش كل حاجة على بعضها .
المكعبات : علشان كدة احنا قررنا اننا نروح لحد يعرف يخلينا أقوياء ويشغلنا كويس ونرجعلك لحد ماتعرف ان ربنا اداك وزنة جواك لازم تستخدمها صح وتستفاد منها كويس .
فركيكو: بس يااصحابى انا محتاكو اوى محتاجك يا كراسة علشان أذاكر فيكي واشغل عقلى ودى وزنة حلوة تشغيل عقلي ومهاراتي وقدراتي .
الكراسة : بس أنا كنت موجودة معاك طول اليوم وما كنتش تفتكر الواجب الا في الأخر اليوم . عشان كده أنا صغرت وضعفت لدرجة أنك مش شايفني .
فركيكو: وأنتي يا أجبيتي يا اللي فيكي كلام ربنا وبتخليني كل يوم أصبح علي بابا يسوع اللي بيقف جنبي طول اليوم علمتيني أن وقتي لربنا دى وزنة بقدمها له كل يوم .
الاجبية : أسفة يا فركيكو أنا كنت كل يوم أصحيك علشان تقف تصلي وأنت مكنتش بتاخد بالك ساعات كتير عشان كده أنا صغرت وضعفت لازم أروح أعيش مع حد نشيط ويحب يمسكني ويصبح علي بابا يسوع.
فركيكو: وأنت يا طيقي يا اللي بتحافظ علي أكلي علشان أكبر سامحني لوستيك مش نضيف وضايقتك لما بسيب أكلي فيك وما باكلهوش عرفت أن الصحة طلعت وزنة ممكن أشغلها بأني أساعد أخواتي .
الطبق : لا أن زعلان منك لان مامتك كل يوم بتحطلك أكل فيا وأنت ما يترضاش تأكل مني وبكده خلتني ضعيف جداً وشكلي مش حلو مش زى الاطباق أصحابي .
فركيكو: بجد يا تليفزيون ويا كمبيوتر ويا مكعبات أنتوا أصحابي اللي بتسلوني لما بكون زهقان سامحوني لو كنت سبتكو متشغلين طول اليوم ونمت .
الكمبيوتر : لا يا فركيكو ما ينفعيش أحنا كلمناك أكثر من مرة وأنت ما سمعتش لينا وكمان أنا قلتلك أن الكمبيوتر مليان قصص عن بابا يسوع وأنت ما كنتش بتخضرها وكنت طول الوقت بتفرج علي الكارتون أنت لازم تتعلم شئ ليه هدف إحنا دلوقتي ضعفنا ومش بنكبر.
كل الألعاب يقولوا : خلاص أحنا قررنا أننا نكبر وبنقي أقوياء يا فركيكو بس لازم تساعدنا كويس ......
ينزلوا كل الالعاب تحت الستارة ويظهر فركيكو لوحدة :


( 4 )

فركيكو:حقيقى انا اسمى فركيكو السريع وانا كمان فى الحقيقة أنا سريع فى كل شى فى وقتى ،فى مذاكرتى،فى توضيبى لاوضى وادواتى ،فى وقفتى قدام ربنا وانا بصلى بس مش بخلص أى شئ لحد أخرة ليهم حق اصحابى يسيبونى طيب والحل هتعمل اية يافركيكو هتسيبهم يمشوا كدة وخلاص ماكفاية استهتار بقى ايوة يالا قوم روحلهم صالحهم كلمهم واوعدهم انك هترجع ولد شاطر واسمك الجديد مفيد مش فركيكو يالا قبل مايمشوا ويسيبوك .
هيدخل هنا :
اليد : استني هنا يا فركيكو .
فركيكو : أنتي مين .
اليد : أنا أيدك .
فركيكو : وعاوزه مني أية أنا لازم أروح أصالح أصحابي اللي سبوني ومشيوا .
اليد : أنا كمان صاحبتك وممكن أخلي أصحابك يجوا ويصلحوك .
فركيكو : بجد أزاي .
اليد : أنا كما وزنتك لاني من حواسك اللي أبونا قدسها بزيت الميرون ودى قدست عملي
العين : أيوة وأنا كمان وزنة لاني من حواسك وأبونا رشمني بزيت الميرون وقدس بيها بصري ونظراتي لاصحابي.
الفم (اللسان ) : وأنا كمان وزنة لاني من حواسك وأبونا قدسني بزيت الميرون قدس كلامي وأقوالي ..
فركيكو : أية ده كل دى وزنات كانت موجودة فيا وأنا معرفش يا خسارة أنا زعلان من نفسي علشان ما عرفتش اشغكلو معايا .
اليد : المهم أنك عرفننا وعرفت قيمتنا أنا ممكن هصالحك علي الطبق وأخليك تمسكه بيا أنا .
العين : وأنا ممكن أصالحك علي الأجبية وأخليك تقرأ فيها بعينا.
اللسان : وأنا ممكن أكللم مع التليفزيون والكمبيوتر والمكعبات بلساني الحلو وبكلامي الكويس أخليهم يصالحوك .
فركيكو : ممكن يا أصحابي تساعدوني وتخلوا أصحابي يجوا عندي مرة تانية .
العين : ممكن بس لازم تروح تصالحهم وتكلمهم وهما هيسامحوك .
اصحابى انا اسف اوعدكم مش هستهتر فى حياتى من تانى ارجوكو انا من غيركو ماينفعش ادخل للملك انتوا اللى هتعلمونى الصح علشان استفاد من وقتى واكتب موضوعى وانا عارف انى اللى بعملة صح .
الكراسة : اية رايكو ياجماعة هنعمل اية فركيكو عرف غلطة وصلحة واعتذر لينا وبدموعة احنا شايفينة .
الطبق: انتوا عارفين مستهتر دا فكرنى بمين زمان .
الكمبيوتر: بمين ياطبق .
الطبق: بقصة شفتها عندك ياكمبيوتر وانت بتحضرها لفركيكو قصة الابن الضال اللى ساب اهلة ورجع ندمان واعترف بغلطة .
الكراسة : ايوة بس الكلام دا اية علاقتة بموضوع فركيكو دلوقتى .
الاجبية : لاطبعا لية معنى زى ما اب الولد قبل توبة ابنة ,وزى ماربنا بيسامحنا على خطايانا اللى بنعملها ,يبقى لازم احنا كمان نسامحة وندية فرصة جديدة يصلح فيها فركيكو اللى عملة ها اية رايكو ياجماعة .
( 5 )

المكعبات : عندك حق يااجبية ومادام هو اعترف بغلطة وصلحة لازم احنا كمان نقف جنبة ونساعدة امال احنا اصحابة ازاى .
الملاك الحارس: انا مبسوط منك يافركيكو اقصد يا مفيد علشان هتستفاد من وقتك ومن وزنتك بشكل جديد .
مفيد: انا دلوقتى هكتب عن ازاى استفاد من وقتى فى طول السنة متشكر يااصحابى لانكم ادتتونى فرصة جديدة شكرا . وبالمناسبة دى انا هولع شمعة جديدة فى حياتى علشان تنورلى السنة السعيدة اللى دخلين فيها وانت كمان يااصحابى خليكم مفيدين زيى مش مستهترين زى زمان باى . وكل سنة وانتم طيبين .
اعضاء الاسكتش يظهرون مع مستهتر من خلف الستارة . باى .

نانسى ديفيد 1
ملاك جديد
ملاك جديد

عدد المساهمات : 10
تاريخ التسجيل : 27/04/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى