واحد +واحد = حب بلا مقابل

استعرض الموضوع السابق استعرض الموضوع التالي اذهب الى الأسفل

واحد +واحد = حب بلا مقابل

مُساهمة  نانسى ديفيد 1 في الأربعاء أبريل 28, 2010 3:50 pm

ابدا القصة بسوال مع الاطفال ؟
مين بيحب الحساب ؟ ومسائل الحساب ؟ انتوا شطرين فيها ؟ طيب تعالوا معايا نسمع القصة ونحسب مع تونى المسالة دى !!!!
+ + + + + + + + + + + + + + + + + + + + + + + + + + + + + +

فى ولد صغير اسمة تونى تونى كان بيحب الحساب اوى , وبالذات اى شى فية كلام عن الفلوس دايما ماسك بايدة قلم وورقة وطول اليوم اعد بيحسب فى حاجات مانيجى شوف تونى بيحسب اية .!!!!

ماما : تونى من فضلك ممكن تجبلى علبة صلصلة من البقال اللى تحت .

تونى : حاضر ياماما علبة صلصة هنزل اجيبها يعنى المشوار بربع جنية اكتب قبل ماانسى .

ماما : تونى ممكن تنادى على عمو بتاع الانبوبة .

تونى : حاضر ياماما انادى على عمو يعنى صوتى هيوجعنى دا بنص جنية (50. ) قرش .

ماما : تونى من فضلك روح وضب سريرك ولم لعبك فى الصندوق .

تونى : حاضر ياماما الم العب واوضب سريرى يعنى ايدى هتوجعنى دى بخمسة وسبعين قرش(75) قرش , يبقى الحساب بتاع النهاردة , لما احسب كدة . 25. +50. +75. = يبقى هطلب من ماما الحساب دا واحنا بنتغدى 1.50.

ماما اعدتت من الصبح تجهز الاكل اللى تونى بيحبة وحطتت الاطباق وجية تقعد قدام طبقها لقيت تحت الطبق ورقة مكتوب فيها .

من تونى الى ماما مطلوب منها الرقم دا جنية ونص (1.50) نظرا لانة قدم لها مجموعات خدمات خلال اليوم مع الشكر .

ماما بصت لتونى وضحكت بابتسامة رقيقة واكلت وفامت . بالليل اعدتت تلعب مع تونى وجهزتلة الحلويات والعشاء وتونى انبسط اوى اليوم دا وجة يقعد تونى على السفرة وقدام طبقة لقى تحتها الفلوس وورقة معاها ففتحها تونى لقى مكتوب فيها .

من ماما الى تونى حبيبى ابنى الغالى عليا وحتة من قلبى دا كشف حسابك اللى المفروض احاسبك علية اليوم تعالا شوفة .

#################################

تمن حب وحنية ماما ( المبلغ ) لاشى .
تمن رعاية ماما لصحة تونى ( المبلغ ) لاشى
تمن مذاكرة ماما لتونى واهتمامها بالعابة ( الثمن ) لاشى

يبقى ماما عاوزة من تونى الحساب النهائى ( لا شــــــــــــــــــــــــــــــــــــى )

تونى بص لنفسة وبص للورقة والفلوس اللى فى ايدة وحط عنية فى الارض وراح

يعتذر ماما سبقتة فى الكلام ورفعتلة عنية وطبطبت علية وفهمتة ان المساعدة

مش عليها تمن او الحب ليس لة مقابل مادى المهم ازاى تقدم حبك للى تحبة . زى

حب المسيح الكبير لينا قدمة لينا من غير مقابل او حتى ماكنشى مستنى مننا

كلمة شكر واحدة .

ها وانتوا ياصحابى تحبوا تحسبوا كل شى زى تونى ولا تسيب حبك للى بتحبهم

يتعامل معاهم .

نانسى ديفيد 1
ملاك جديد
ملاك جديد

عدد المساهمات : 10
تاريخ التسجيل : 27/04/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى